دليل الاستخدام الشامل

بمجرد ما تفتح السيستم، لوحة القيادة بتديك الخلاصة: إجمالي المبيعات، عدد الفواتير، الأرباح الصافية، والمنتجات اللي قربت تخلص عشان تلحق تطلبها. كله قدام عينك في شاشة واحدة شيك ومريحة.

شاشة الدخول مصممة عشان تحمي بياناتك. كل كاشير أو مدير ليه الباسورد الخاص بيه، والسيستم بيسجل مين اللي دخل وعمل إيه بالظبط، عشان مفيش قرش يضيع.

قلب النظام النابض! شاشة بيع ذكية جداً بتدعم اللمس (Touch) أو الماوس. بتعرض الأقسام والصور بشكل يفتح النفس، وبتقرأ الباركود أوتوماتيك من غير ما تدوس على أي زرار. مصممة عشان تخلص الطابور في ثواني.

افتح طاولة أو جهاز، والسيستم هيبدأ يحسب الوقت أوتوماتيك بالقرش. العميل طلب مشاريب؟ ضيفها على نفس الجلسة بكل سهولة. ولما يخلص، هتدوس "إنهاء" والسيستم هيحسب إجمالي الوقت والطلبات في فاتورة واحدة شيك.

آخر الشفت، الكاشير بيقفل ورديته. السيستم هيقولك المفروض الدرج يكون فيه كام بالضبط (كاش، فيزا، آجل). وهيطلعلك تقرير مطبوع (Z-Report) يطابق النقدية الفعلية بالمفترضة عشان لو فيه عجز أو زيادة تعرفه فوراً.

كل فاتورة بتتسجل هنا بالتاريخ والوقت والكاشير اللي ضربها. عميل طلب نسخة تانية من الفاتورة؟ ابحث برقم الفاتورة أو رقم التليفون واطبعها بضغطة زر سواء على طابعة ريسيت صغيرة أو A4 كبيرة.

عميل عايز يرجع منتج؟ اختار الفاتورة، حدد المنتج، والسيستم هيعمل الآتي أوتوماتيك: هيرجع البضاعة للمخزن، ويخصم الفلوس من درج النقدية، ويسجل حركة المرتجع في التقرير عشان مفيش حاجة تقع منك.

قسم منتجاتك (مثلاً: مشروبات ساخنة، وجبات، حلويات). الأقسام دي هي اللي هتظهر للكاشير في شاشة البيع بألوان وصور مميزة عشان يوصل للمنتج بسرعة من غير ما يدور كتير.

سجل كل منتجاتك، حط سعر البيع وسعر التكلفة والباركود. السيستم هينبهك لو فيه منتج رصيده قل في المخزن. كمان تقدر تحط صورة لكل منتج عشان يسهل على الكاشير التعرف عليه.

عندك زباين بتسحب شغل وتدفع بعدين؟ سجل العميل هنا وتابع كشف حسابه. أي فاتورة (آجل) بتنزل في حسابه أوتوماتيك، ولما يسدد جزء من المديونية بيتخصم من عليه ويطبعله إيصال سداد.

الكهرباء، الإيجار، بوفيه العمال.. سجل أي مصروف بيخرج من الدرج. المصروفات دي بتتخصم من صافي أرباحك في التقارير وبتسمع في تقفيلة الوردية عشان الدرج يطلع مظبوط بالظبط.

سجل بيانات الشركات اللي بتوردلك البضاعة، وتابع مديونياتهم. لو نزلت بضاعة ومأجل فلوسها، هتتسجل في حساب المورد وتقدر تطلع كشف حساب مفصل لكل مورد دفع تله إيه وباقي عليه كام.

بضاعة جديدة دخلت المحل؟ أعمل بيها أمر شراء. السيستم هيزود الكميات في المخزن أوتوماتيك، ويحسب إجمالي فاتورة الشراء، ويضيفها على حساب المورد أو يخصمها من الدرج لو الدفع كاش.

نظام ذكي لربط العميل بمكانك. كل ما يشتري، بياخد نقاط. السيستم بيقسم العملاء لمستويات (فضي - ذهبي - بلاتيني). العميل يقدر يستبدل النقاط دي بخصومات في المرات الجاية، وده بيزود مبيعاتك.

كشف حساب كامل لمكانك. تقارير المبيعات، الأرباح، تقييم أداء كل كاشير مين بيبيع أكتر، وحركة الأصناف. تقدر تصدر أي تقرير بصيغة Excel أو PDF أو تطبعه عشان تراجع حساباتك في البيت.

ضيف الكاشير، المدير، والمحاسب. حدد لكل واحد يقدر يفتح إيه وميفتحش إيه. الكاشير ميقدرش يشوف الأرباح ولا يمسح فواتير، لكن المدير يقدر يعمل كل حاجة. أمان تام لبياناتك.

مين مسح الفاتورة دي؟ ومين غير سعر المنتج ده؟ سجل النشاط بيسجل كل حركة بتحصل على السيستم بالثانية واسم الموظف، عشان لو حصل أي تلاعب تعرف تصطاده فوراً.

شاشة التحكم الكاملة. من هنا تقدر ترفع لوجو المحل اللي هيطبع على الريسيت، تحدد الطابعات (طابعة الكاشير وطابعة المطبخ)، تظبط سكانر الباركود، وتتحكم في ضريبة القيمة المضافة ودرج النقدية.